الآنسه .. " عويجه" .. هل هي حقيقه !

[[ خيوط النهاية ~]

السلآإم عليكم ورحمة الله ..
أولاً : موضوعي منقول ..
ثانياً : حطيته لما شفت حد يرمس عنها ف آإلصندوق ..

اخبركم قبل لا تكملون الموضوع الي يزيغ يظهر من الحينه والي يحب هالسوالف ( شراتي ) يكمل

لعبه قديمه لكن ردت تنتشر هالايام بكثره .. وبالذات فالمدارس !
" عويجه " او شرات ما يقولون " الينيه عويجه" لعبه يلعبونها بحضور هذه الينيه
وشرات ما سمعت انها اتخبرهم بالمستقبل او منهو عريس المستقبل
واللعبه عباره عن ورقه بيضه يكتبون عليها ارقام وحروف وشي من هالخرابيط !
وفنيان يحركونه باصبعهم ع الورقه ! والي اتحركه هي الي تتواصل مع " عويجه " .. !
تقريبا الاغلبيه يعرفون هاللعبه لكن ما فكرتو للحضه هل فعلاً هذا الشي حقيقي
وهل فعلاً الينيه " عويجه " تحضر هاللعبه !؟
ما انكر وجود الجن وغيره من هالاشيا .. لكن البنات والشباب الي يلعبون هاللعبه ما فكرو بمدى خطورتها !
لانه مب اي واحد يروم يتواصل وياهم ولا يرمسهم الا "ربعهم" ويا كثرهم ..
شخصياً حضرت اللعبه وشفت الي يسوونه البنات وكنت ناقعه من الضحك عليهم
و المشكله الي حذالي مصدقين ! و البنيه الي كانت تتواصل مع الينيه تمت اتظهر ارقام تيلفونات
اربيعاتها ( اتحرك الفنيان ع الارقام ) اونه عاد الينيه اتخبرها مادري من وين ..
ويوم قلت لها خبري عويجه اتظهر رقميه .. مارامت .. وحسيت انها اتقفطت ! )) سويت شي مفيد
لانه شي ما يدخل العقل اساساً!

المهمـ

سؤالي هو .. ما مدى اعتقادكم بهالالعاب ؟؟
وهل تؤمنون بهالاشياا .. مثل تحضير الارواح وماشابه ذالك !
وياريت لو تخبرونا اذا حضرتو هاللعبه من قبل كيف كان شعوركم حزتها !!

وقبل لا تردون شوفو يمين و يسار لا يظهر لكم واحد منهم )) بسم الله سكنهم في مساكنهم

[dlooo3dubai]

انا بقوووووووولج على حسب فهمي ودرايتي ووجهة نظري ..



البااااااارحة كنت اسمع محاضرات عن السحر ويقولج كيف تتعرفين انه الي جدامج سااااااااحر ..



اولا اذا سالج عن اسمج واسم امج ..


ثانيا اذا حط مربعاااااات وكتب فيهم يا حروف او ارقام ..


ثالثا اذا تمتم بكلمات غريبة ..


رابعا اذا طلب منج اتيبين شغلات مثل دياية حمرة ولا بيضة او اي شغلة ..



وغيرهااااااااااااا من الامووووووووووور ..



الحين سالفة المربعااااااااااات والحروف والارقااااااام تدش فيها السحر والشعوووذة محد في ها الدنيا يعلم الغيب غير رب العالمين هذا نؤمن فيه من طلعنا على ها الدنيا فكيف تتركووووووون سؤال الله عن الحاجة وتتجهون للسحرة والمشعوذين والجن ..؟؟


الصراااااااحة لحد الحين ماشفت هاي اللعبة ولا سمعت عنهاااا لكن احذري يااختي من هذه الاعماااااااال قد تؤدي الى الشرك والله اعلم ..


وانصحي صديقاااااااااااااااتج عن شر هذه اللعبة والله يهديهن ..

[فاقد حبيبه]

اول شي حرام التنبأ بالمستقبل

في العاب على فكره تعلم اليهال اشيا غلط وتبين لهم ان ممكن تتنبأ بالمستقبل وبانك ممكن تعرف ...............الخ اخرا لحديث


بس ابي اقلج مياو

اذا الكبار يسيرون يلعبون لعبه الكهانه والعرافه

فانا ما استغربت من اليهال يلعبوها اذا الاهل نفسهم يلعبون وكلواحد يقول انا بسير للكاهن وللعارف يعرفلي عن السحر

عسبت جيه هالالعاب تخلي الياهل يتعلم من صغره ان في شي اسمه التنبأ بالمستقبل حتى العابكم شرات ويهكم ككك

[القــــ المجروح ــــلب]

اكيد اني ماعارض اخواني الي فوق عن ان حرام التنبا بالمستقبل ...

غير جيه مالي اي تعليق ... لاني اموت من الخوف من هالسوالف بس احب اسمعها ....

ابا ارقد فليل ....

مشكوره ختيه وربي يعطيج العافيه

[..همسة حب..]

آنآ إللي آعرفه عن عويججه آنهآ جنيه .. ونحن عندنآ آللي تيه آلحمججه يوم كنآ يهآل نقوله عويجه .. وآذكر كآن في بآب مقفول .. كنآ نخآف عبآلنآ بيت عويجه .. ههه كنآ آذآ نبآ شي ولآ شي نقول آذآ مآ يبت بنخبر عويجه عليك هي صديقتنآ .. وكنآ نفر آلحصى على البآب :e433efd7b8be58e4898

[ساسها الماس]

لاااااااااااااااا انا ما اصصصصصصصصصصصصددددددددق هالهبببببببل

:saa909: عوييييجه اوووونه حتتتى الاسمم اهببببل


ع العموووم اشكررررج ع الطررررح عنكبوووته

[آحطم قلــــب..~]

آممم عويجهه موجودهه صج > تسسلم علييكم . . هع

آنزيين ., آممم ميبي آنتوو مسويين اللعبه غلط ولآ هآي ربيعتككم تققص عليييكم :smoking:

. .

وآناا آعررف نآسس شسمآ جربوهآ بسس آلمششكله مآقدروو يدخلونهآ . .

آللمههمم وييت للبنت فآلييلل . .

وفيي لعببه ثآنييه جمجم جمآجمم شي جي . .

وآعتققد هآذاا ششررك باللهه ف مش زيين تسوننه . .

آللههم بلغتت آللهم فآشههد . .

[عالي مستواها]

يقوووووووولووووووون انهاااا حقيقيه ساكنه ف ايراااااان

وبعدييييييييين لااااترمسووون عنهااا >>>مادري منو قال عنهاا توه

[..][ غرور انثى ..~]

انا قبل ما كنت اصدق بس شي بنيه اعرفها من كثر ما تعلبها اسستوت يعني كيف اقولكم جنها ترمس ينانوه والله ايبين عليها صارت اتخوف صج وهلعبه موجوده فليوتيوب واتظهر لج اشياء عجيبه وغريبه يعني ما ادري جنها صدق ولا لا يوم اجوف البنات يلعبونها وجي وصج تيلس اترد عليهم وتعطيهم ارقام واسسامي احسها صجيه بس يوم اي افكر فنفسيه احس انها جذب الله العالم واعرف انه هشي شرك وحرام عسب جي ما ايلس وياهم ولا العبها حتى ربعي استوو ادمان ع هلعبه الله يهديهم

[وردة الحي]

وعليكم السلام والرحمَه ..

بصرَاحه دخلت الموضوع للفضول ولأني بعد كنت العبها في الزمن الغابر

بقولج كيف بديت .. !

كانت اختي وربيعاتها يرمسون عنها .. وعقب سوّيت سيرج مكثف عن اللعبة
يعني عرفت إنّ اللي سواها واحد بريطاني من اصل عماني هو لي مكتشف هاللعبه

وغيره من القصص والسوالف .. << بس امنو يصدّق كلام النت !!

المهم بعضهم يقولون هاييل جن يحركون اللعبة وبعضهم يقولون أرواح !
فهل عويجه روح ولا جن ؟! الله أعلم ..

لعبتها أول مرة مع اختي وكانت مترووعَه وحتى انا كنت متروعه
بس حبّي لاكتشاف وتجربة الاشياا الغريبه قادني لهالتصرف

المهم لعبتها .. مرة وثنتين وثلاث .. ويمكن وصلت عشرين مرة !!!
تتخيلين الوضع !!

لكن بقولها بصراحَه ما حصّلت منها شي يديد .. يعني ما عندها ماعند جدتي !!
:lulu19: كل اللي تقوله اصلآ اعرفه .. وفي اشيا تقولها تستوي واشياا لا !!

بس شو يقولج (( كذب المنجمون ولو صدقوا )) !!

من الآخر يعني حسّيت بعمري مدمنة ! وحسّيت إنّي أوقف حياتي على شي تافه
وبصراحه مدري كيف هانت علي نفسي :crying: واسأل غير الله !!
استغفرك يا رب واتوب إليك .. لا إله إلا الله سبحانك ربّي إنّي كنت من الظالمين

خرّبت البوورد و فريته .. وعقب فترة اكتشفت إنّ فيه يهال أولاد الاعدادية يلعبونها
و واحد من اهلي وياهم .. هو اللي خبرني .. عصّبت عليه :ad27: ههههه

لا ما عصّبت .. بس اتناقشت وياه وفهمت إنّه يلعب عشان كلهم يلعبون
بس اقنعته إن مرة بعد مرة هو بيقتنع باللعبه فالأفضل تركها ,,

والحمدلله من يومها حتى طاري اللعبة ما انييبه ..

باختصار اخواني واخواتي .. هاللعبة مضييعه للوقت ..
أي هدف أو حلم في حياتكم تتمنون تحقيقه ..
حطّوه جدام عيونكم واعملوا لتحقيقه واطلبوه من رب العالمين :pray: ، توكّلوا على الله

قُلْ لَن يُصيبَنَا الّا مَا كَتَبَ اللهُ لَنَا

وتسلمين ع النقاش اختي .. :ward: