الزوجة الصابرة المحتسبة ( قصة حقيقية )

[علي الكعبي]

بسم الله الرحمن الرحيم

بعد قصة الشغالة ، اليوم عندي لكم قصة ماتقل روعة عنها

لكن الفرق في انها هـ القصة موب كوميدية

خلونا مع القصة


بطلت القصة ( عايشة ) متزوجة صار لها 3 سنوات

لكن الله ما رزجها عيال ، وزوجها محمد محتار كيف يفاتحها بالسالفة ، وفي يوم تشجع وقال لها خلينا نروح للدكتور نتعالج مع العلم انه هو يعرف انه ما فيه عيب لانه راح قبل للدكتور وسأل .

وافقت وراحت هي وياه عند الدكتور فكانت النتيجة مثل الصاعقة على مسامعها( انت عندج عيب خلقي في الرحم يستحيل لج الانجاب )

رجعت البيت وهي ما تعرف كيف تواري الامها ، حاولت انها تاخذ الي صار بروح رياضية وتحتسب مصابها عند الله ، ودايما يوم تفكر بهـ السالفة تستعيذ بالله من الشيطان الرجيم .

وفي يوم من الايام قامت من النوم كالعادة جهزت الفطور لزوجها ، شافت زوجها على غير عادته ( في سالفة اهتمامه بمظهره ) خذت الامر بحسن نية وساعدته في لباسه وهتمامه اكثر بمظهره .

رتبت بيتها وجهزت الغدا بأنتظار الزوج السعيد .













عند العصر طلعت لبيت جارتها ، وقعدت تعطي وتاخذ معاهم في الكلام ، وفجأة دوى لسمعها سؤال هز كيانها :37:


( متى بيشتري زوجج لوازم العرس لبنتنا ، هو يبي يتزوج في هذا الشهر وما في وقت )



قامت الزوجة بدون ما تنطق بكلمة وحدة ودخلت على دورة المياه ، وهناك فرغت كل الي في عينها من الدموع :1188060222269:

(وبعد ما حست انها هدئت ) ، رجعت وردت على جارتها انه قريب ان شاء الله ، واعتذرت من جارتها وراحت بيتها ، وهي ما عارفة كيف تكفكف دموعها وآلامها .

وشوي ودخل عليها زوجها ، وكانت ساعتها خلاص استسلمت للامر الواقع وهي تقول لنفسها هذا حقه يمكن الله يرزجه من غيري بالذرية الصالحة ، وبينت للزوج انها عادية ( وطبعا لان باله مشغول بغيرها ما دقق في ملامح وجهها :sorry1:)

وعدت اليوم الاولى على خير.









وفي اليوم الثانية بالليل راح الزوج عند اهل خطيبته على شان يتفق هو وياهم على لاوازم العرس ، ومن ضمن الكلام قالوا ليه على سالفة انهم سألوا زوجته عن شراء لاوازم العرس ، كان الكلام على اذنه مثل الرصاص :58:

، لكنه تمالك نفسه وسألهم عن ردها ويوم قالوا ليه على الرد الي هي ردته استغرب:26: ، وبعد ما انقضى الوقت وهو راجع البيت كان في باله كيف بيواجه ردت فعل زوجته :26:، واول ما دخل استقبلته زوجته بالترحاب كالعادة ، رد عليها الترحاب بترحاب احسن والطف ، وعلامات الاستفهام والتعجب تملا وجهه ، قعد وهو موب عارف كيف يفتح معاها السالفة ، لكنها هالمرة هي قالت له حبيبي يوم عزمت على انك تتزوج ليش بخلت علي باني افرح لك ، وما قلت لي .:1188060812993:

بكمل لكم الباجي في الجزء الثاني

[محـ الزهرأآء ــبهـ]

واااااااااااااو الصرااااااااااحة قصة حلوووووووة

مسكينة حرااااااااام :1188060222269:

وننتضر الجزء الثااااني

تسلم على القصة

[علي الكعبي]

الله يسلمج اختي هانا مونتانا وان شاء الله الجزء الثاني قريب

الف شكر لج على الرد

[بنت بلادها]

قصه روعه


يسلمووووووو فديتج ولاتحرمينا من يديدج

[мεoω]

يسلموووو ع القصة

[علي الكعبي]

قصه روعه


يسلمووووووو فديتج ولاتحرمينا من يديدج

الله يسلمج ويجزيج كل خير على ردج المميز اختي بنت بلادها

بس موب بنت انا ولد

[علي الكعبي]

يسلموووو ع القصة

الله يسلمك اخوي ويجزيك خير على ردك

[علي الكعبي]

في الجزء الاول وصلت لين :

لما قالت الزوجة عايشة لزوجها بعد ما رجع البيت من عند اهل خطيبته ( قالت له حبيبي يوم عزمت على انك تتزوج ليش بخلت علي باني افرح لك ، وما قلت لي ) .

اليوم بسرد لكم الجزء الثاني من القصة

اعتذر منها ، بعد ما عاتبته زوجته الاولى على انه ما قال لها على سالفة خطوبته ، او نيته الزواج من زوجة ثانية .

وقال لها : خلاص الحين ما بسوي شيء الا بقولج عليه اول شيء ، وفي اليوم الثانية بدت تجهيزات الزوج السعيد للعرس ، من شراء الملابس لين الذهب لين تجهيز لوازم العرس من حفل وغيره .

قبل يوم العرس بثلاث ايام ، اتذكر الزوج ( محمد ) سالفة مهمة ما انتبه لها من قبل وهو اهم شيء بالنسبة للعروس ليديدة

شو تتوقعون :4: الشاطر ما مجهز غرفة نوم للعروس ، ولا بقى عنده فلوس على شان يأثث غرفتها ، واساسا ما عنده في البيت الا غرفة زوجته الاولى بدورة مياه داخلية ، وصالة ، وغرفة ثانية للضيوف .

احتار ولف 100 لفة شو الحل :1201578miwycm04kn:
كلم زوجته عايشة ، احتمال تشوف لهالمشكلة حل .

فكرت وفكرت :1188060795294:، وهنيه ما كان منها المسكينة الا انها تقدم تنازل ثاني .

خلونا انشوف هالمرة عن شو بتتنازل :1188059332334:

فيه في البيت غرفة ثانية ، تحفظ فيها الاشياء الجديمة او مكان لتخزين الاشياء ( لستور )

قالت لين محمد : شو رايك تعطى الغرفة مالي لين للعروس ، وانا موب مشكلة برتب لستور لي وييب لي لو فرش على الارض مع لحاف ادفى فيه عن البرد وهو اساسا فيه مروحة وما بطالبك بمكيف كفاية علي .:1188060368641:
المروحة .

وقف وشكرها على مواقفها النبيلة معاه ، ووعدها انها بتقعد في هالغرفة لفترة بسيطة لين الله ييسر عليه ويرتبها لها :sorry1:

وفي اليوم الموعود ، رتبت الزوجة الاولى كل شيء :1188059857425:في العرس واحتفلت مع زوجها :Untitled-2:، وكأنها اخته او امه لين انتهى العرس وعدت ليلة العرس على خير .


انتظروا الجزء الثالث وفيه مفاجئات ما تخطر على بالكم

[كلي فرح]

الله حلـووو تحسبتـــهه قصه عااديه طلعــت بأأجزاااء
يالله يـأالشيييخ كمله بسررعــهه

[علي الكعبي]

الله يجزيج خير اختي كلي فرح على ردج المميز

وان شاء الله قريب بنزل الجزء الثالث ان شاء الله

[بنت الرافدين]

يسلموووووووووو ع القصه ونترياااااااااا الباجي

[علي الكعبي]

ربي يسلمج اختي

الف شكر لج على الرد المميز اختي بنت الرافدين

[محـ الزهرأآء ــبهـ]

قصة رائعة الف شكر

[علي الكعبي]

الجزء الثالث :


بعد ما عدت ليلة العرس .

في صباح اليوم الثاني .

قامت عايشة ( الزوجة الاولى ) كالعادة من الفجر ، صلت وجهزت الفطور :1188060222269:

ودقت باب الزوج على شان يصلي ، طلعت لها ضرتها وقالت لها ( خلاص من اليوم انسي انه لج صلة بزوجي ، صلاته وقيامه وقعدته وحتى الكلام معاج ما يكون الا باذن مني )

راحت المسكينة بدون ما ترد عليها باي شيء :1743165oy20ssvdqr:.

ونظفت البيت وهي تحاول على قد ما تقدر ما تثير اي ضجة اذا طافت يم باب العروسين :1188060126928:

وعند الساعة 8 قام معرسنا من النوم ودخل المطبخ شافته عايشة ، تهلل ويها فرح وقالت له حبيبي ( هذا فطورك انت وعروستك ، استأذن امنة على شان ادخله لكم ) :1188059303229:

وراح معرسنا الشهم يصحي الاميرة النائمة :1178088018811:، ويستأذنها انها تسمح لضرتها بانها تدخل لفطور لهم

ودخلت المسكينة عايشة فطورهم ، وبعد الفطور يات وشالت الصحون الفاضية وبدت بعدها في تجهيز الغدا .

ظنت في البداية انها بتخدم ضرتها لفترة ، وبعدها بتتشارك هي وياها في اعمال البيت :1188060393263:.

لكن تأتي الرياح بما لا تشتهي السفن

ظل الحال كما هو عليه ، وتحولت المسكينة من ضرة لضرتها الى شغالة في بيت زوجها ، الفرق الوحيد هو ان الشغالة في نهاية الشهر تستلم راتب شهري مقابل خدمتها :1188060812993: .

هذا عدا عن هظم حقوقها الزوجية ، بسبب جبروت ضرتها وضعف زوجها :18: .

وفي السنة الثانية من الزواج السعيد ، حملت العروس لجديدة باول مولود ، وزاد على عايشة الحمل اجثر واجثر

وصارت امنة ( العروس ) تستخدم كل انواع التعذيب والظلم لـ عايشة ، مرة تتهمها بانها ضربتها على شان تجهض

ومرة تتهمها بانها تتعمد بعد ما تغسل الارض ، تكون الارض مبللة بالماي على شان اذا مشت امنة تنزلق وتجهض :18:.

وكل مرة بعد ما يسمع محمد هالكلام من زوجته الحبيبة امنه ( يضرب الثانية ضرب ما تقوم منه الا بعد فترة :73:)

وتمت عايشة على هالحال لين انقضت شهور الحمل .

وبدا موعد الولادة يقترب ، لين حانت ساعة الصفر ، والله رزجهم ببنت ، يمكن اجثر احد كان فرحان فيهم هي عايشة :Untitled-2:.

دخلت على ضرتها ، وهي من فرحتها موب عارفة شو تسوي ، تشيل البنت الي انتظرتها هي وزوجها بفارغ الصبر 9 شهور والا تشيل ضرتها الي فرحتها اخيرا :76: .

( يا كبر قلبج يا عايشة )
انتظروا الباقي في الجزء القادم ان شاء الله

[ظبيانيـﮧمارڪَـﮧ«~ا•]

مشكور خويهـ


بس لييش ما تحط الاجزاء مره وحدهـ يعني لازم تشوقنا

[مـلاكـ الرووح]

تسلم اخوي ع القصه ونباها كااااااااااامله لو سمحت

[محـ الزهرأآء ــبهـ]

الف شكر ننتظر بشوق الباجي

[محـ الزهرأآء ــبهـ]

مشكور خويهـ


بس لييش ما تحط الاجزاء مره وحدهـ يعني لازم تشوقنا

فعلا نبيها كلها

[علي الكعبي]

مشكور خويهـ


بس لييش ما تحط الاجزاء مره وحدهـ يعني لازم تشوقنا

هذه القصة حقيقية وانا اكتبها جزء جزء

واول ما اخلص من جزء انزله، وبعده ابتدي اكتب الي بعده ، اخاف اكتب القصة كاملة مرة وحدة وانسى احداث احلى

بس يا الله هانت وقربت القة من نهايتها

[علي الكعبي]

الجزء الرابع

احنا وصلنا في الجزء الرابع لين لما ، هلت بشاير الخير على قلب عايشة بولادة المولودة
:76:

كملت الام والبنت الصغيرة ثلاث ايام في المستشفى وبعدها طلعت ، وفي هالثلاثة ايام عايشة في قمة فرحها ووناستها :Untitled-2: تطبخ في البيت الي تجدر عليه وتشيله المستشفى لضرتها ، وبالليل تقعد مع ضرتها تساعدها وتربي الصغيرة .

بعد ما رجعت الام وبنتها البيت ، صارت عايشة هي الي تعتني بالصغيرة :1188060411799: حتى الحليب عايشة هي الي تسويه ، وبعدها شوي شوي البنت الصغيرة صارت تحب عايشة اجثر من امها ، لدرجة اذا بتشيلها امها تبكي :1178087843583:

ومع الايام نقلت عايشة سرير وكل مستلزمات البنت الصغيرة معاها الغرفة مالها :Heart:

وبعد ما شافت الام البنت تقعد مع ضرتها طول النهار بغرفتها ، ( وغرفة عايشة طبعا ما فيها تكييف ) طلبت من زوجها يركب لضرتها مكيف لو مستعمل متعللة انه حرام عايشة تقعد بدون مكيف ( موب على شان خاطر عيونج يا عايشة لا تصدقين على شان الصغيرة بس ) :1188060393263:

رضى محمد ورحب بالفكرة بس قال لها انا ما عندي فلوس ، قالت له امنة خلاص انا بيب لك مكيف من بيت اهلي انت بس قول لعايشة تعطيني الذهب الي معاها على شان اركب لها مكيف ، كلمت عايشة ووافقت المسكينة ( المحتاج يركب الصعب ) وخذت ذهبها وركبوا لها مكيف تعبان مقابل الذهب الي كان معاها .

وطافت السنوات وصار معاهم بدل البنت 7 اولاد وبنات وكلهم ربتهم المسكينة عايشة ، وامنة مجرد مكنة تفريخ ، ولا تعرف عنهم شيء

وفي يوم من الايام تقدم واحد يخطب ( منى ) الي هي البنت اول بنت

وبعد ما استشاروا البنت وافقت بس بشرط ( شو هو الشرط يا ترى ؟ ) :w0285:

خلونا نشوف

قالت لخطيبها : ابيك تبني لامي عايشة غرفة بدورة مياة هذا شرطي على شان اجبل بيك ، غير هالشيء انا ما بي شيء لا ذهب ولا ملابس ولا اي شيء الا الي انت بتعطاني اياه برضاك :1188059303229:

وافق الخطيب على الي طلبته منه خطيبته :5: ، وطلع من البيت على امل انه ينفذ الوعد الي وعد بيه خطيبته :baa60776:

طبعا هالشيء ما راق لامنة ، وبعد ما راحوا اهل خطيب بنتها ، قالت لين محمد منى ما طلبت هالشيء الا بطلب من عايشة ( وعايشة يا غافلين لكم الله ) وبعد ما شيشت محمد عليها

راح لعايشة وهات يا ضرب ، وهو يضربها لفظ بطلاقها ( بكت المسكينة وهي تقول ليه ليش يا محمد بعد هالعمر وبعد هالصبر يكون هذا جزاء الصبر والاحسان ) :18:
وراحت المسكينة وهي تسحب ذيول خيبة الالم ، لين بيت اخوها الوحيد .:1188060222269:

انتظروا الجزء الاخير من القصة

[اسماء الظاهري]

شكراا
اتريا الجزء الثااني

[علي الكعبي]

شكراا
اتريا الجزء الثااني

اختي الاجزاء الثاني والثالث والرابع موجودين

باجي بس الجزء الاخير

[um_3washi]

حلوه القصة واااااااااااااايد ..

نحن في الانتظار الجزء الاخير ..


يسلموا خيتوه ..

[محـ الزهرأآء ــبهـ]

مشكور اخوي

[علي الكعبي]

الحلو ردج واهتمامج اختي

الله يعطيج العافية

[صمت الأمواج]

ما شاء الله عليك اخوي مبدع في عرض القصه واسلوبك وااايد حلو حتى القصه حلوه توني قريت كل الاجزاء وباقي نشوف النهايه عاد اتمنى في النهايه ان امنه الشريره تاخذ جزائها لان عايشه وااايد انظلمت حتى ريلها ظلمها

[علي الكعبي]

الابداع في ردج اختي صمت الامواج
الله يجزيج خير

ان شاء الله الجزء الاخير جريب بكتبه

[مــ العين ــاء]

الله ياخذهااااااااااااا يلعها ما تشوووووووفها عين والاا هذا الخدية السخيييييييييف اللي ما يستحي عويه حرمة تلعب فيه وتحركه عككيييييييييييييفهاااا يالله الكعبيييييي وين الجزء الاخييييييير قبل لا انفجر من الغيييييييييييض ها الاهبل التاقه ابغي ادوس بطنه دوووووووووووووس يسوي جيه بمرته وين الرجولة والشهامة وين وهايج الهبلة مصدقة عمرهاااااااا اكيييييييد جيييييييييكرة بس هو مب منتبه لانه هو بعد جييييييييكر الطيور على اشكالها تقع وحليلها المسكيييييييييينة عورت قلبييييييييييييييييييييييييي


بس صدق اسلووووووووبك جمييييييل وما فيه صعوووووبة كلش والكلام يوصل بسرررعة احسنت احسنت شي جمييييييييييييل

[علي الكعبي]

الجميل ردج اختي ماء العين واهتمامج
الله يعطيج العافية
الف شكر اختي

ان شاء الله اليوم بكتب الجزء الاخير من القصة

[علي الكعبي]

الجزء الخامس واخر محطات قطار هالقصة

في الجزء الرابع تطلجت عايشة والمسكينة وراحت بيت اخوها :1178087843583:وهناك الحال جان اردى واردى من الحال في بيت زوجها ، استلمتها زوجة اخوها وهي انسانة متسلطة واخوها ظالم غاشم :1778250uxqjdhen1p: ( يعني المسجينة طلعت من نار دخلت في نار وجحيم اكبر )
بعد سنة من طلاق عايشة مات طليقها محمد بحادث سيارة ، وبعد ما انقضت ايام العزا عرفت زوجته انه زوجها مديون بعدد شعر راسه يعني لا راتب التقاعد يكفي شيء ولا حتى راتب الشؤون

وما كان جدام امنة الا انها توفر اساسيت لها ولعيالها بانها تشتغل في لبيوت ( فكرة اقترحوها عليها جاراتها على شان تزيد دخلها ) :64:
وجانت تقوم من الساعة 6 ( بعد العز والنوم للساعة 11 ) وتدخل في كل مرة بيت ، هنيه تسوي الفطور ، وهنيه تكنس وهنيه تغسل لين الساعة 10 بالليل ( وطبعا ما جانت تمر عليها اليوم الا بعد ما تاخذ كلام مرتب من الناس الي تشتغل معاهم من سب لانتقاد لغيره وغيره ):w0284: ترجع بعدها وتاخذ عيالها من بيت اختهم ( وعلى هالموال ( حوبات عايشة يا الظالمة ) .

ومضت ثلاث سنوات بحلوها ومرها على عايشة
وفي يوم تقدم واحد يخطب عايشة انسان معاه فلوس الدنيا تاجر كبير

السؤال ليش عايشة بالذات ؟ :1188060574159:
السبب : انه عنده جانت زوجة وتوفت ومعاها عيال صغار اعمارهم من 2 - 10 سنوات .

ولانه سمع عن طيبة عايشة ويا عيال زوجها وعن اخلاقها وعن صبرها ، تشجع انه يرتبط بيها كزوجة وكأم لعياله .

وافق اخوها ، لكن بعد ما طلب مهر جبير ، وتم الزواج :Untitled-2:وفي ليلة العرس توفى .
ما لحقت تتهنى المسكينة ، لكنها ورثت ثروة جبيرة ( فلوس على اراضي على اشياء ثانية وايد ) :76:
واول ما سمع اخوها بهالثروة ، قال لها شو رايج ترجعين معاي وتخليني ادير لج فلوسج ، انتي مرة وما تجدرين على انج تهتمين بكل هالثروة :3d35bdf8:
وهنيه بس كان المفروض منها ترد على اخوها رد رادع ، ( قالت له شوف الباب الي دخلت منه اطلع منه ولك الي اقدر اعطيك اياه برضاي ) وانا بعيش هنيه مع هذول الايتام وبربيهم

والي بساعدني وبيعتني بفلوسي ( بنات زوجي من زوجته الاولى المتوفيه جبل هذه ) واهم طلبوا مني اقعد واربي اخوانهم .:1188059686321:
وعاشت عايشة احسن عيشة ، وعمرها ما نست عيال زوجها ولا ضرتها ، تروح بين فترة والثانية وتعطيهم المقسوم ( من فلوس وملابس وغيره ) :76:

وتوتة توتة خصلت الحدوتة

[مــ العين ــاء]

حلييييييييييييييييييلها صدق صبرت واحتسبت صح خسرت زوجها بس عوضها بصغارية ملو عليها الدنياااا


سبحان الله من صبر واحتسب عند ربه يرضييييييييييه


قصة عجيييييبة تحث عالصبر

فديت عواشووه جان احبهااا بطلع شراتها انا بس ما ابغي اعيش قصتهااا

ومشكوووووووووووووووور اخوي عالقصة الجميلة فانتستك

[علي الكعبي]

العفو اختي ماء العين
الف الف الف شكر لج على ردج المميز

[كلي فرح]

صبررررت والله ما ضييع صبرهـآ ع الفـآضيي
وانقلبت الاحوال هايج البطراانه من بيت لبيت لكــن عاايشه الله عوضهـآ بكل شيء فقدتــهه
تسلم ع القصه الحلووه
وحتى اسلووووووبك في سردهـآ حلووو
يالله نبيييك تنوووووووووووووور قسمنااا بكتابااتك الحلووه

[علي الكعبي]

ان شاء الله اختي

والف الف الف شكر لج على الرد

[صمت الأمواج]

عيبتني النهايه ومعدن عايشه اصيل حتى ذرتها ما نستها بالرغم من إلا سوته فيها

تسلم اخوي ع القصه

وربي يعطيك العافيه

ولا تقطعنا نتمنى نقرى كل يديد منك

[علي الكعبي]

الله يجزيج خير اختي صمت الامواج

وان شاء الله ما بتكون اخر قصة اشارك بيها

[مــ العين ــاء]

ليييييييش اخر قصة صمت قالتلك شي ؟؟؟؟ خبرني هيه انا اعرفها السانها طويل !؟!؟؟! يالله خبرني ما بخبر حد سر بينا يالله قول شو السالفة !؟!؟!؟

[كلي فرح]

انووون ببلااج ؟!
هو يقووول ان شاء الله ما بتكوون هااي آخر قصه مب يقول هاي آخر قصه شكلج قريتي الرد ع السرييييع

[علي الكعبي]

فعلا اختي ماء العين انتي قريتي الرد على السريع الظاهر

انا كاتب ان شاء الله ما بتكون اخر قصة اكتبها

[ظبيانيـﮧمارڪَـﮧ«~ا•]

صـــــــــــــج انهأ صابرهــ والله جزااها ع اعمالها..

تسسلم يدونك^^

[مــ العين ــاء]

هييييه هيييه العتب عالنظر عيون تقول عيون بقر وبعد ما انتبهت ههههههه

[علي الكعبي]

ما عليه اختي صار خير

الله يخليلج عيونج

[فكِرِيَہَ نآسيَہَ]

:1188059303229:ثانكس على هل القصةالحلؤة وهناك مثل يكول(الصبر مفتاح الفرج) شكراااا

[علي الكعبي]

الله يجزيج خير اختي على الاهتمام

وثاكس والف ثانكس لج اختي على ردج المميز

[بنت بلادها]

روووووعه القصه


تسلم اخوووووي ومااا تقصر

[علي الكعبي]

الرائع ردج اختي بنت بلادها واهتماج

الف شكر لج

[دلوعه وطنها]

روعه القصة بس وايد طويله
ثاانكس

[وردة جورية]

ماشاءالله عيبتني القصه ؛؛ الله يعطيها الأجر على صبرها ؛؛
كل شكر لك على القصه

[علي الكعبي]

العفو اختي وردة جورية

والف شكر لج على الرد

[راعية الناقه]

يسلموو..لاهنت..~

[بنت العيـــن]

واااااو ...؟؟:hh:

يسلموووو ع القصـــــــــه استنى الجزء الثالث ....؟؟

:)